Nú er komið að kveðjustund. Jófríður Anna eða Fríða er farin eftir langa baráttu við krabbamein. Hún hélt okkur öllum upplýstum og við fengum að fylgjast með baráttu hennar og samgleðjast yfir öllum sigrunum sem voru margir. Fríða var vinkona og bekkjasystir úr grunnskóla. Hún kom í bekkinn okkar eftir að hafa verið hækkuð um bekk eins og það var kallað. Fríða með sitt rólega fas, bros, glettni og húmor gerði alla daga betri. Eftir grunnskóla skildu leiðir en við bekkurinn höfum verið dugleg að hittast en Fríða bjó í Noregi og eignaðist þar fjölskyldu og sitt líf. Þrátt fyrir að komast ekki í bekkjarhittingana var hún alltaf með okkur í anda eins og aðrir bekkjarfélagar sem hafa ekki átt heimangengt. Því þá eru sagðar fréttir af þeim sem eru fjarverandi, rifjaðar upp sögur og minningarnar flæða og þá er eins og við séum öll saman á staðnum. Síðustu ár náðum við bekkjarsysturnar að hittast oftar og er ógleymanleg frábær ferð okkar til Tarífa á Spáni þar sem við heimsóttum bekkjarsystur sem þar hafði komið sér fyrir. Það var eins og við hefðum hittst í gær, tengsl okkar bekkjarsystra eru sterk og djúp. Við fengum innsýn í líf Fríðu í Noregi. Hún sagði með stolti og ást frá eiginmanni og sonum og það var auðheyrt hve náin þau voru og áttu gott líf saman. Eftir þessa ferð var alltaf stefna okkar bekkjarsystra að heimsækja Fríðu til Noregs en ekkert varð úr því. Fríða fagnaði 50 ára afmælinu sínu á Íslandi í sumarhúsi foreldra sinna með útsýni yfir Grundarfjörðinn og Kirkjufellið fagra en það er ógleymanleg og dýrmæt minning sem yljar við kveðjustund. Við sendum Rune og sonum, einnig foreldrum og systrum Fríðu okkar innilegustu samúðarkveðjur.
Bekkjarsystur í Grunnskóla Grundarfjarðar, árgangur 1982
Hvil i fred kjære Frida
🌹🌹🌹
Hvil i fred
Vil i fred 🌹
Takk for gode minner!
Kjære Runar, Jonas;, Hjalmar og Rune
Vi føler med dere i sorgen❤️
Ta vare på hverandre og lev videre på de gode minnene om Frida❤️
Hun vil aldri bli glemt❤️☀️🌺.
❤️❤️❤️
Varme klemmer fra
John-Emil
Lill-Hege og Kalle
Kampen er slutt. Nå kan du hvile ,kjære Frida.